Նորություններ
|
Բաց դաս` նվիրված Շառլ Ազնավուրին «Դժվար կյանքս և խաբված սերերս էին, որ ինձ դարձրին այն ինչ կամ, ու համարձակվում եմ ասել, թող սա ինքնագովություն չթվա, ես ինձ դուր եմ գալիս: Եթե ինձ վիճակվեր կրկին ապրել, ապա այդ բոլորը նորից կապրեի նույնությամբ»:
|
|
|
Շառլ Ազնավուր Հունիսի 5-ին, ՀԱԱՀ-ի գրադարանում տեղի ունեցավ օտար լեզուների ամբիոնի կողմից Ֆրանկոֆոնիայի շրջանակներում կազմակերպված բաց դաս` նվիրված երգիչ, կոմպոզիտոր, բանաստեղծ, դերասան, հայ ժողովրդի մեծագույն նվիրյալ Շառլ Ազնավուրի կյանքին ու ստեղծագործական ուղուն:
Հայոց ցեղասպանության 99-րդ տարելիցի կապակցությամբ, ապրիլի 23-ին Հայաստանի ազգային ագրարային համալսարանում անցկացվեցին մի շարք միջոցառումներ: 1-ին մասնաշենքի շքասրահում բացվեց ցուցահանդես՝ նվիրված 1915թ. Մեծ Եղեռնի զոհերի հիշատակին: Նշենք, որ ցուցահանդեսին ներկայացված գրականությունն ու արխիվային նյութերը տրամադրել էր ՀԱԱՀ-ի գրադարանը: Նույն օրը, Հայոց պատմության և փիլիսոփայության ամբիոնի վարիչ Վ. Ոսկանյանի և ՈւԽ նախագահ Հ. Ղևոնդյանի նախաձեռնությամբ, 425 լասարանում անցկացվեց դասախոսություն: Արաբագետ Սարգիս Գրիգորյանն անդրադարձավ Սիրիայի հայաբնակ Քեսաբ գյուղաքաղաքի վրա տեղի ունեցած հարձակմանն ու քեսաբահայության վիճակին: 
Ապրիլի 22-ին ՀԱԱՀ-ի փոքր դահլիճում տեղի ունեցավ Համո Սահյանի ծննդյան 100-ամյակին նվիրված մրջոցառում: «Հոգու հաց» այսպես էր վերնագրված ցերեկույթը, որը կազմակերպել էին ընդհանուր հարցերի գծով պրոռեկտոր Պ. Էֆենդյանը և դոցենտ Ա. Գլջյանը: «Պրոռեկտոր Պ. Էֆենդյանի հետ որոշել էինք Եղեռնի տարելիցի կապակցությամբ միջոցառում կազմակերպել: Հետո մտածեցինք՝ այն կազմակերպել՝ խախտելով ընդունված կարգը: Քանի որ նույն օրերին լրանում էր 20-րդ դարի մեծ բանաստեղծներից մեկի՝ Համո Սահյանի ծննդյան 100-ամյակը, մտածեցինք երկու տարելիցները միացնել»,-նշեց Ա. Գլջյանը:
Ազգային գրադարանային շաբաթն այս տարի կանցկացվի ապրիլի 14-22-ը: Հայկական գրադարանային ասոցիացիայի նախաձեռնությամբ այս միջոցառումն անց է կացվում 2002 թվականից, ամեն տարի, որի ընթացքում կարևորվում են գրադարանի, գրքի, ընթերցանության և գիտելիքի դերը: Միջոցառումներին մասնակցում են Հայաստանի բոլոր գրադարանները: Հայաստանի ազգային ագրարային համալսարանի գրադարանը ևս մասնակցում է այս կարևոր միջոցառմանը: