Նորություններ
|
Էրազմ ՌՈՏԵՐԴԱՄՑԻ 
Ագրարայինցիներիս համար հայրենիքի կարեւորագույն հատվածը երկրորդ մասնաշենքում է: Միշտ խնամված-կարեւորված, մարդաշատ: Հպարտության իրավունք տվող: 2004-ից մեր երկրում սկսեցին նշել գրադարանավարի օրը: Կարծում ենք` կհամաձայնեք, որ հատկապես գրադարանավարներն եւ թանգարանագետները իրենց առաքելությունը մի այլ նվիրումով ու գիտակցումով են կատարում: Եթե չսիրես, մեկ րոպե էլ չես մնա յուրահատուկ-անշփոթելի բույրով այդ գանձարաններում:
|
|
|
Հայտնի բան է. թանգարաններն ու գրադարանները նմանվում են այսբերգի՝ որքան տեսանելի հատվածում են, հազարապատիկ մասը մնում է «ընդերքում»՝ մեր դեպքում գրապահոցում: Եւ ես, որ 2000 թվից շատ կապված եմ եղել գրադարանի նվիրյալների հետ (խնկելի լինի Սիլվա Զաքարյանի հիշատակը), Այբից մինչեւ Ֆէ միշտ լուսաբանել եմ նրանց աշխատանքը, համոզված էի, որ այլեւս ոչնչով զարմանալու-հիանալու, անսպասելի բացահայտումների տեղ չի մնացել: Որպիսի՜ պարզամտություն… շուրջ քառորդ դար հետո պարզվեց, որ… Բայց ամեն ինչ հերթով:
