ՀԱԱՀ-ում նշվեց Գրադարանավարի օրը
Այսօր Հայաստանի գրադարանավարների օրն է: 2004թ. Ապրիլին ՀՀ կառավարության որոշմամբ հոկտեմբերի 7-ը հայտարարվեց «Գրադարանավարի օր»: ՀԱԱՀ-ում Գրադարանավարի օրվան նվիրված միջոցառումները մեկնարկեցին 2-րդ մասնաշենքի նորոգված ընթերցասրահից (430 սենյակ): Նորոգված ընթերցասրահի բացման խորհրդանշական կարմիր ժապավենը կտրեցին ուսումնական գծով պրոռեկտոր Յու. Մարմարյանն ու ՏՏ և ԻԾ կենտրոնի տնօրեն Վաչագան Մելքոնյանը:
Գրադարանավարներին շնորհավորելու էին եկել Գիտության դեպարտամենտի պետ-պրոռեկտոր Դ. Պետրոսյանը, ռեկտորի խորհրդական Գ. Դավթյանը, դեկանները, դասախոսներն ու ուսանողները:
Գրադարանի համալրման և մշակման բաժնի վարիչ Լիլիթ Վարդանյանը ներկայացրեց գրադարանի ավտոմատացման նոր KOHA համակարգը, իսկ ՏՏ և ԻԾ կենտրոնի տնօրեն Վաչագան Մելքոնյանն 1-ին կուրսի ուսանողներին հանձնեց առաջին էլեկտրոնային ընթերցողական քարտերը: Տոնի գրական-գեղարվեստական մասն ապահովեցին քոլեջի ուսանողները` հայոց և ռուսաց լեզուների ամբիոնի դասախոս Կարինե Գևորգյանի ղեկավարությամբ: Միջոցառման խուրհուրդը՝ գրքի արժևորումն էր, նրա մեծ դերակատարությունն առողջ հասարակության ձևավորման գործում, նպատակն էր ընդգծել գրքի, գիտելիքի, գրադարանների դերը, ընթերցանության կարևորությունն արդի տեխնոլոգիաների ժամանակաշրջանում: Ուսանողները նաև 210 անուն գրականություն նվիրեցին գրադարանին:ՀԱԱՀ-ի արհկոմիտեն, Գրադարանավարի օրվա կապակցությամբ, համերգի տոմսեր նվիրեց գրադարանավարներին: Երկարամյա անբասիր աշխատանքի և գրադարանի օրվա կապակցությամբ ՀԱԱՀ-ի ներքոհիշյալ աշխատակիցները պարգևատրվեցին Հայաստանի ազգային ագրարային համալսարանի Պատվոգրով»:
Մելտոնյան Անահիտ Ռոստոմի-օպերատոր-գրադարանավար
Մուրադյան Անահիտ Գրիգորի -օպերատոր-գրադարանավար
Նազարյան Անժիկ Խաչիկի -գրադարանավար
Սաղաթելյան Կարինե Գրիգորի-ավագ գրադարանավար
Օհանջանյան Աննա Հայկազի-ավագ գրադարանավար